بنی اسرائیل کا روٴیت خدا کا سوال

بنی اسرائیل کا روٴیت خدا کا سوال

حضرت موسیٰ نے
ان میں سے ستر ہزار کا انتخاب کیا، پھر اُن میں سے سات ہزار چنے، پھر اُن میں سے
سات سولئے اورپھر اُن سے ستر کو منتخب فرمایا، پھر اُن ستر کو میقات کے لئے طورِ
سینا پر لے گئے، پس اُن کو پہاڑ کے دامن میں کھڑا کرکے خود کوہِ طور کے اوپر تشریف
لے گئے اوراللہ سے کلام کرنے کی درخواست کی تاکہ وہ انتخاب کردہ آدمی سن لیں، پس
خدانے کلام کیا ا ورانہوں نے سنا اوروہ آواز اوپر نیچے دائیں بائیں آگے وپیچھے
یعنی ہر طرف سے سنائی دے رہی تھی، بنی اسرائیل نے کہا کہ ہم نہیں مانتے کہ یہ اللہ کاکلام ہے جب تک اپنی آنکھوں سے اس کو بولتا ہوا نہ دیکھیں،
جب انہوں نے یہ بات کہی اورتکبّر اورسرکشی کی تو خدانے ان کے ظلم کے بدلہ میں ان
پر بجلی نازل کی اوروہ سب مرگئے، پس حضرت موسیٰ نے
عرض کیا میرے اللہ میں واپس جاکر قوم کو کیا جواب دوں گا؟ وہ توکہیں گے تو اپنے
کلیم اللہ ہونے کے دعویٰ کی تصدیق پیش نہیں کر سکا لہذا اُن کو اکیلا لے جاکر قتل
کر ایا ہے، پس خدانے ان کو دوبارہ زندہ کر دیا، چنانچہ وہ حضرت موسیٰ کے ساتھ واپس آئے پھر کہنے لگے اگر
تو اللہ سے رویت کا سوال کرتا تو وہ ضرور منظور کر لیتا ہم بھی اس کو دیکھ کر صحیح
معرفت حاصل کرلیتے، تو حضرت موسیٰ نے
ان کو جواب دیا کہ خدا آنکھوں سے ہر گز نہیں دیکھا جاسکتا بلکہ اس کی نشانیاں دیکھ
کر اس کو پہچانا جاتا ہے، انہوں نے کہا کہ ہم ہر گز ایمان نہ لائیں گے جب تک تو
اللہ سے رویت کا سوال نہ کرے گا، پس حضرت موسیٰنے اپنی مناجات میں عرض کیا میرے اللہ تو بنی اسرائیل
کی باتوں کو جانتا ہے اوران کی مصلحتوں سے بھی واقف ہے، پس وحی ہوئی اے موسیٰ! وہ جو کچھ کہتے ہیں تو سوال کر ان کی جہالت
کا مواخذہ میں تجھ سے نہ کروں گا، پس اسی وقت حضرت موسیٰ نے عرض کیا رَبِّ
اَرِنِیْ اَنْظُرُ اِلَیْکَ قَالَ لَنْ تَرَآنِیْ اے میرے ربّ مجھے
اپنا آپ دکھا تا کہ میں تجھے دیکھوں ارشاد ہوا تو ہر گز مجھے نہیں دیکھے گا وَلٰکِنْ
اُنْظُرْ اِلٰی الْجَبَلِ لیکن پہاڑ کی طرف نظر کرفَاِنْ
اِسْتَقَرَّ مَکَانَہُ اگر وہ اپنی جگہ پر ٹھہرا رہا فَسَوْفَ
تَرَانِیْ تو پس تو مجھے دیکھ لے گا فَلَمَّا
تَجَلّٰی رَبَّہُ لِلْجَبَلِ پس جب اُس کے ربّ نے پہا ڑ پر اپنی
نشانیوں میں سے ایک نشانی کو ظاہر کیا جَعَلَہُ
دَکًّا  اس کو ریزہ ریزہ کر
دیا وَخَرَّ
مُوْسٰی صَعِقًا اورحضر ت موسیٰ مد
ہوش ہو کر گر گئے، پس جب ہو ش میں آئے تو عر ض کیا میرے اللہ میں اپنی قوم کی
جاہلا نہ روش سے تائب ہوں اورمیں اس بات پر پہلا ایمان لانے والاہوں کہ تو دیکھا
نہیں جاسکتا-