تولیّتِ کعبہ

 تولیّتِ کعبہ

بنائے کعبہ کے
بعد اس کی تولیّت حضرت اسمٰعیل کے سپرد تھی اور ان کے بعد ان کی اولاد کی تولیّت
بیت اللہ کا شرف حاصل رہا لیکن کچھ عرصہ کے بعد قبیلہ جرہم نے غلبہ حاصل کرکے کعبہ
کی تولیّت ان سے چھین لی اور جب قبیلہ جرہم اور عمالقہ کی آپس میں جنگ ہوئی تو
عمالقہ غالب آگئے اور کعبہ کو انہوں نے اپنے قبصہ میں لے لیا، پھر ایک مرتبہ جرہم
نے عمالقہ کو مغلوب کرکے ان سے کعبہ کی تولیّت واپس لے لی اور تقریباً تین سو برس
اس کے متولی رہے اور انہوں نے کعبہ کی عمارت میں کچھ اضافہ بھی کیا۔

جب حضرت
اسمٰعیل کی اولاد کی تعداد بڑھ گئی تو انہوں نے قبیلہ جرہم کو مکہ سے نکال دیا اور
کعبہ کی تولیت خود سنبھال لی۔ اس وقت ان کا سرکردہ عمرو بن لحی خزاعی تھا اور یہ
پہلا شخص ہے جس نے کعبہ میں بت لا کر رکھے اور لوگوں کو شرک کی تعلیم دی، اس نے
پہلا بُت جو کعبہ میں رکھا تھا، اس کا نام ھبل تھا، وہ اسے شام سے لایا تھا، اس کے
بعد پھر دوسرے بُت لائے گئے۔ حلیل خزاعہ بنی خزاعہ میں سے کعبہ کا آخر متولی ہے۔
حلیل کی صرف ایک لڑکی تھی جو قصی بن کلاب کے نکاح میں تھی۔ پس حلیل نے اپنے بعد
کعبہ کی تولیت اپنی بیٹی کے سپرد کردی اور اس کی کلید برداری کے لئے ابو غبشان
خزاعی کو مقرر کیا، لیکن ابو غبشان نے معمولی معاوضہ لے کر کعبہ کی کلید برداری
بھی قصی بن کلاب کو بیج دی، پس اس طریقہ سے کعبہ کی تولیت قریش تک پہنچی، جب جناب
رسالت مآب ﷺ نے مکہ کو فتح کیا تو اس کے اندر جس قدر بت وغیرہ رکھے تھے، ان کو گرا
دیا گیا۔