تیمم کا طریقہ

دونوں
ہاتھوں کو ملا کر اگر انگوٹھی چھلا وغیرہ ہو تو اتار کر اکٹھے زمین پر مارے اور
پھر آپس میں ہاتھوں کو جھاڑ کر پہلے منہ کا مسح کرے باین طور کہ دونوں ہاتھ ملالے
اور انگوٹھے پھیلالے پیشانی کے اوپر سر کے بال اگنے کی جگہ پر رکھے کہ انگوٹھے
پیشانی کی دونوں طرفوں کو گھیر لیں پھر دونوں ہاتھوں کو نیچے کی طرف سرکائے اس طرح
کہ ہتھیلیاں بلکہ ہاتھوں کا باطنی حصہ پیشانی کے چمڑے سے جدا نہ ہو جائے پس ابروؤں
تک ہاتھوں کو لائے پھر اس کے نیچے کا حصہ تیمم میں داخل نہیں البتہ دونوں چھوٹی
انگلیوں کو ناک کی بلند جگہ تک لے آئے اس کےبعد بائیں ہاتھ سے دائیں ہاتھ کی پشت
کا کلائی سے لے کر انگلیوں کے سرے تک مسح کرے پھر دائیں ہاتھ سے بائیں ہاتھ کی پشت
کا کلائی سے انگلیوں کے سرے تک مسح کرے اور ہاتھوں کے لئے وہ پہلی منہ والی ضرب
کافی ہے ۔ زمین پر دوسری ضرب نہیں نیز وضو اور غسل کے تیمم میں کوئی فرق نہیں بعض
علماء تیمم بدلے غسل کے اگر ہو تو دوسری ضرب ہاتھوں کےلئے کہتے ہیں یعنی سابقہ
طریق سے پہلی ضرب سے منہ اور ہاتھوں کا مسح کرے پھر ایک ضرب زمین پر مار کر صرف
ہاتھوں کا مسح کرے اور بعض فرماتے ہیں کہ اس احتیاط میں بھی وجو اور غسل برابر ہیں
لہذا ہر تیممم میں اس طریق کو اختیار کرے تو خوب ہے۔