نتیجہ فکر

یہ عقائد  اسلامیہ فلاح دنیاوی اور نجات اخروی کے ایسے پائیدار اصول ہیں کہ دل و دماغ کا ان کو قبول کر لینا شرف اناسنی کے حصول موثر ترین زینہ ہے اور میں سچ کہتا ہوں کہ اسلام پر جس قدر مصائب آئے اس کی واحد وجہ صرف یہی ہے کہ اہل اسلام کے قلوب سے یہ رنگ مٹ گیا اور ان کے عقول ان حقائق سے نا آشنا ہو گئے پس مسلمانوں کی تمام تر کمزوریوں کا واحد  سبب ان کے دین کی کمزوری ہے اگر آپ دریا فت کریں کہ قوم شیعہ میں دینی کمزوری کو راستہ کہاں سے ملا تو اس کا جواب ایک تو وہی   جو بالعموم اسلام کی کمزوری کا سبب ہے یعنی روح مغربیت کا نفاذ اور دنیا کی ظاہری آرائیشیں نمائشیں رنگ رلیاں اور عیاشیاں جس کی بدولت نقوش مذہب کافی حد تک دلوں سے ہٹ گئے اور روحانی تعلقات کے سلسلے غلاموں کے آقاوں سے کٹ گئے اور دوسرا سبب شیعہ قوم میں دینی کمزورویوں کا یہ بالخصوص ہے کہ صاحبان منبر اور اربات علم نے اپنا فریضہ رشد و ہدایت ترک کردیا اور امر بالمعروف اور نہی عن المنکر کے مقدس فریضہ کی ادائیگی سے غیر معمولی کو تاہی برت لی اب اگر یہ سوال کیا جائے کہ یہ غفلت شعار کیوں کو معرض ظہور میں آئی تو اس کے  جواب میں خاموشی ہی بھلی۔