صفت عصمت

ہمارا عقیدہ ہے کہ حضرت علیؑ  سے حضرت مہدی علیہ السلام  تک تمام آئمہ  چونکہ حضرت رسالتمآبؐ  کے صحیح جانشین تھے  لہذاابتدائے عمر سے آخرعمر تک  ہر صغیرہ وکبیرہ گناہوں سے پاک ومبرا تھے بلکہ ان سے ترک اولی کا صدور بھی نہیں ہوتا تھا نیز یہ کہ اپنے اختیار سے معصوم  تھے فرشتوں کی طرح ترک گناہ پر مجبور   نہ تھے کیونکہ  فرشتوں کا گناہ نہ کرنا ان کاکمال نہیں اس لئے کہ وہ گناہ کرہی نہیں سکتے اگر یہ کہاجائے کہ آئمہ  بھی فرشتوں کی طرح گناہ کرنے پر طاقت نہین  رکھتے تھے تو پھر یہ کمال نہ ہوگا کمال تب ہوگاکہ انسان ایک غلطی کرسکتا ہو اور پھر اپنے اختیار سے اس کو نہ کرے جیسے کہ حضرت امیرا علیہ السلام  فرماتے تھے کہ میں معاویہ کی طرح چالاکی وفریب کاری اگر چاہوں توکرسکتا ہوں لیکن  مجھے  میرا دین ایسی چیزوں سے روکتاہے اور اسکو روکنے والی کوئی شیئے نہیں ہے لہذا بعض لوگوں کے ذہن میں جو چیز سمائی  ہوئی ہے کہ آئمہ  طاہرین علیہم السلام  گناہ نہیں کرسکتے تھے  یہ امامت کی شان کو نہ پہچاننے  کا نتیجہ  ہے پس صحیح عقیدہ  یہ ہے کہ امامت کی عصمت نبی کی طرح اختیاری ہے ن کہ اضطراری مثل ملائکہ پس انکی عصمت کی شان ملائکہ کی عصمت کی شان بلند  تر ہے نیز انکی عصمت سابق انبیاء  سے بھی بلند تھی کیونکہ گزشتہ انبیاء سے ترک اولیٰ ہوسکتاتھا  جیساکہ حضرت آدم  نے ترک اولیٰ کیا لیکن آئمہ طاہرین علیہم السلام  سے ترک اولیٰ نہ ہوتا تھا اور عام طور پر ان کا دستور  تھا کہ جب ان کےسامنے اطاعت پروردگار کے دوپہلوہوں تو یہ اس پہلو کو اختیار  فرمایاکرتے تھے جس میں مشقت زیادہ ھو