غلط الزام کا جواب

چونکہ اہل اسلام میں بڑے بڑے  علماء آئمہ  اہلبیتؑ کے مقابلہ میں طفل مکتب کی حیثیت کرکھے ہیں لہذاآئمہ  طاہرینؑ کے بعض فرامین جب  انکے ذہن نارساسے دور ہوتے ہیں تو ان میں ان کے متعلق ایک بغاوت سی پیدا ہوجاتی ہے پس جب شیعہ انکےسامنے آئمہ طاہرین  کے علمی ذخائر میں سے کوئی نکتہ پیش کریں تو وہ فورا کہہ دیتے ہیں کہ شیعہ اپنے آئمہ  کو عالم الغیب مانتے ہیں  یہ انکی فہم ناقص اور علم قاصر کا ہی دھوکہ ہے کہ بعض ایسی چیزیں جو آئمہ کے نزدیک قرآن مجید کے طواہر میں سے ہوتی ہیں ان لوگوں کی دقت نظر کے باوجود  انکے اذہان میں معمہ کی حیثیت رکھتی ہیں اور شیعہ جب ایسی چیزوسں کو بیان کریں تو انہیں یقینا یہ باتیں اجنبی معلوم ہوتی ہیں پس وہ بلادریغ اسے علم غیب سے تعبیر کرتے ہیں مثال کے طور پر خلیفہ ثانی کے سامنے دوماؤں میں لڑکی اور لڑکے کے متعلق جھگڑے کا مقدمہ پیش ہوا ان دونو میں سے ہر ایک لڑکے کی دعویدار تھی خلیفہ سے جب فیصلہ نہ ہوسکا تو سرکار ولایت کے دردولت پر جبہ سائی کی آپ  نے ایک حجم کی دوشیشیاں منگواکر دونو عورتوں کو ایک ایک شیشی  دے دی کہ اس میں وہ اپنا دودھ بھر دیں چنانچہ دونوں کو وزن کیاگیا اور جس کا دودھ زیادہ وزنی نکلا  اس کے حق میں لڑکے کا فیصلہ کردیا اور دوسری کو لڑکی  دے دی جب آپ سے وجہ پوچھی گئی تو آیت وراثت  سے استدلال فرمایاکہ خدانے مرد کو عورت سے دگنا حصہ دینے  کاحکم دیاہے لہذامرد کی خوراک عورت سے زیادہ ہو نی چایہے بنابریں سینہ مادر میں لڑکے کی غذاوزنی اور لڑکی کی غذا ہلکی اس نے مقرر کی ہے  کہتے ہیں آپ سے  فرمایا جس طرح ہاتھ کی انگلیوں کو شمار کرنے کی تمہیں ضرورت نہیں اس لئے کہ وہ ہر وقت تمہارے پاس اور سامنے ہیں اسی طرح مسائل قرآ نیہ  ہمارے سامنے ہیں ہمیں تامل وفکر کی ضرورت  نہیں ہے

اسی طرح آپ سے ایک شخص نے درد شکم کی شکایت کی کہ کافی علاج کراچکاہوں  لیکن آرام نہیں ملتا آپ نے فرمایا  اس کا نسخہ قرآن مجید میں موجود ہے  وہ حیران ہوا تو آپ نے فرمایا شہد لے لو اور بارش کا پانی لے لو پھر عورت کے حق مہر میں سے کوئی شئی لے کر  ان میں ملا لو اور اس کو پی لو چنانچہ اس نے عمل کیا تو تندرست ہوگیا آپ نے اس نشخہ کی ترتیب اس طرح بیان فرمائی کہ قرآن میں شہد کی تعریف میں ہے کہ یہ شفاہے بارش کا پانی مبارک ہے اور عورت اپنے مہر سے کوئی چیز  ہبہ کرے تو وہ ھنیءا مریا ہے پس تینوں مل جائیں تو کیوں نہ شفاہو

اسی طرح امام محمد تقی علیہ السلام  سے چور کی سزا کی حد پوچھی گئی تو آپ نے فرمایا صرف ہاتھ کی انگلیاں کاٹی جائیں – وجہ پوچھی گئی تو آپ نے فرمایا مساجد اللہ کی نشانیاں میں اور ہتھلیاں چونکہ جائے سجدہ ہیں لہذاان کو سزا سے مستثنیٰ  قرار دے کر باقی حصہ پر حدجاری ہے کی جائے

بہر کیف چانکہ آل محمدؐ کے حادی علوم کے مقابلہ میں دنیاکے علماء  عام مبتدی کی حیثیت رکھتے تھے لہذاوہ ایسی باتوں کو علم الغیب سمجھنے لگ جاتے تھے جس طرح آج کل کی نئی تحقیقات علم غیب کے ظرف سے ہی توبرآمد ہورہی ہے  جو مسائل کل تک عقدہ لایخل تھے  آج معرض التفات سے بھی گرگئے ہیں مادہ وطبیعت کے بہت سے سربستہ راز آج عیاں ہوچکے ہیں  گویا معلومات کے غیبی خزانے روزبروز کھلتے جارہے ہیں اور ترقی کرنے والے آگے بڑھتے چلے جارہے ہیں اور ان کی ترقیاں جہاں ختم ہوں گی حجت زمانہ کا قدم آگے ہوگا اور جو معلومات کے خزانے انکی آخری اورانتہائی کوشش کے بعد بھی سربستہ راز کی طرح مخفی رہیں گے وہ بمشیت پروردگار حجت خدا کے سامنے آشکار ہوں گے پس جو علوم ان کےسامنے ایک واضح حقیقت کی طرح ہوں گ ے اس دنیا کی ترقی کی آخری منازل پر پہنچنے والے بھی اسے غیبی معلومات سے تعبیر کریں گے

شیعہ کا عقیدہ ہے کہ علم غیب صرف اللہ کے لئے ہے اور اللہ اپنے بندوں میں سے جس کو جس قدر عطافرمائے وہ اس قدر غیب کا عالم ہوتاہے اور محمدؐوآل محمدؐ  کو تمام کائنات میں سے زیادہ علم عطافرمایا اور بہت سے غیبی علوم ہیں جو باقی انبیاء کی بہ نسبت بھی محمدؐ وآل محمد ذیادہ  جانتے ہیں اب ہم یہ  نہیں بتاسکتے کہ انکے پاس غیب کا کتنا علم تھا یہ خود اللہ ہی جانتاہے اور آنے والا وقت بتائے گا کہ علم غیب میں سے امام کو کسقدر عطاہوتاہے ہاں اس قدر ضرورہم کہتے ہیں کہ انکے پاس اتنا ہے کہ اور کسی کے پاس نہیں اور خدا نے انکو اپنے سب بندوں سے زیادہ عطافرمایاہے

ذالک فضل اللہ یوتیہ من یشاء     اگر کوئ شخص شیعوں کی طرف اس  سے زیادہ کوئی بات منسوب کرے تو وہ جھوٹا ہے علوم شرعیہ میں انکاعلم کلی ہے کیونکہ یہ ہاعی ہیں لہذاکسی مسیلہ میں عاجز آجانا انکے شایان شان نہیں ہے لیکن علوم تکونییہ میں جس قدر ضرورت ہواور مصلحت خداوندی ہو انکو علم ہوتاہے اور جتنا خدا چاہے جب چاہے دے سکتاہے ہر وقت ہر شئیی  کا علم اور ہر جزوی کا علم صرف خدا کی ہی صفت

ہے وھو بکل شئیی علیم   پس شیعہ محمدؐ وآل محمدؐ  کو جس طرح کسی دوسری صفت

میں خداکا شریک نہیں مانتے اسی طرح صفت علم میں بھی وہ ان کو خداکا شریک نہیں جانتے بلکہ ان کے علم کو عطیہ پروردگار سمجھتے  ہیں اور شیعوں کے نزدیک وہ شخص مشرک ہے جو اپنے کسی پیرومرشد کویاکسی بڑے سے بڑے ہادی  کو خدائی صفات میں شریک جانتاہو