بیت المقدس

اس کا مسجد اقصٰی کہا جاتا ہے مقدس کا تلفظ عام طور پر دال مشدد سے ہوتاہے  مقدس  لیکن اگر میم  پر زبر قاف کو ساکن اور دال پر زبر ہو تو تلفظ درست رہے گا یعنی مقدس ترکیبی لحاظ  سے مصدر میمی  مضاف الیہ ہوگا اور معنی  ہوگا پاک رہنے کی جگہ  یا تقدس کا گھر پہلی صورت میں کوئی خاص معنی نہیں بنتالیکن وہاں بھی تقدیس سے مصدر میمی قرار دے کر مقدس کا معنی تقدیس لیاجاسکتاہے  بہر کیف  استعمال بغیر شد کےزیادہ بہترہے

 حضور  ابتداء بیت المقدس  کی طرف منہ کرکے نماز پڑھتے رہے اور وہ اس طرح کہ کعبہ کو درمیان میں رکھ لیتے تھے تاکہ دونو کی طرف منہ ہوجائے لیکن جب وارد مدینہ ہوئے تو یہودیوں نے اعتراض شروع کردیا کہ  اگر آپ نبی  ہوتے  تو اپنا قبلہ  بھی الگ بناتے  پس حضور نے آمان کی طرف منہ بلند کرکے دعامانگی جس کی حکایت قرآن مجید میں موجود ہے  قدنری تقلب وجھک فی السمآء  الآیہ  تحقیق  ہم نے تیرا  چہرہ آمان کی طرف پھرتا ہوا دیکھا ہم ضرور تجھے ایسے قبلہ کی طرف پھیردیں گے جو تجھے پسند  ہے اور حضور ؐ شدت سے اس امر کے منتظر  تھے کہ قبلہ مجھے وہی عطاہو جو میرے جد  حضرت ابراہیمؑ  کا تھا کیونکہ حضرت ابراہیم واسمعیل کا قبلہ یہی کعبہ تھا

مکہ  میں   13  برس  آپ بیت المقدس کی طرف منہ کرکے نماز پڑھتے رہے اور مدینہ میں جانے کے بعد   16   یا    17  ماہ  بیت المقدس  کی طرف منہ کیا پس جب قبلہ کعبہ مقرر ہوا تو یہودیوں  نے اعتراض کی نوعیت بدل لی اور کہنا شروع کردیاکہ اگر پہلا قبلہ درست تھا تو اب غلطی کررہے ہو  تو آپ نے  ان کو جواب دیاکہ تمہیں خدا نے ہفتہ کے دن مچھلی کے شکار سے منع  فرمایا تھااور باقی دنوں میں اجازت دی تھی اگر مچھلی  کا شکار  جائز ہے تو سنیچر  کو کیوں حرام ہے اور اگر ناجائز ہے تو باقی ایام میں کیوں جائز ہے ؟ انہوں نے جواب دیاکہ دونو صورتیں مصلحت ایزدی سے درست ہیں آپ نے فرمایاجس طرح تمہاری دونوصورتیں مصلحت پروردگار سے درست ہیں تو ہماری بھی  اسی مصلحت کی بناء پر دونو وقت کی نمازیں درست ہیں

 ہماراعقیدہ ہے کہ بیت المقدس ایک برگزیدہ اور مقدس  مقام ہے مسجد کوفہ کے بیان میں  ذکرہوا ہے کہ یہ ان چار مساجد میں سے ہے جن کو خدانے چن لیا ہے اور یہ مسجد بہت سے انبیاء  کی عبادت گاہ  ہے اس کی تعمیر حضرت  داؤدوسلمان  علیہما  اسلام  نے کی تھی جس کی تفصیل تفسیر انوارالنجف کی جلد  11 پر ملاحظہ ہو  اور حضرت زکریا  اور حضرت یحییٰ  دونو اسی مسجد میں تبلیغ کے فرائض انجام دیتے رہے  حضرت  عیسیٰ  اسی مسجد میں کافی عرصہ وعظ فرماتے رہے حضرت مریم کی عبادت گاہ یہی مقام تھا  نیز مریم کا والد عمران جو بقولے نبی  تھا وہ بھی اسی مسجد میں عبادت کیاکرتے تھے بہر کیف ہمارے نزدیک وہ مقام نہایت قابل احترام اور واجب التعظیم ہے  یہ  مسجد ابتدائے اسلام سے مسلمانوں کے قبضہ میں رہی  لیکن  اس سال  1967 ء  بمطابق 1286ھ  میں اسرائیلیوں نے جہاں عربوں کے اورکافی علاقہ پر قبضہ  کرلیا وہاں انہوں نے بیت المقدس کو بھی مسلمانوں  کےہاتھوں سے چھین لیا