۱۰ جنوری ۱۹۸۱ء _____ (امیر مسلم ؑ )
جے توں وکیل شبیرؑ دا ہیں میں ہاں زہرا ؑ دی بانی
میڈی ہے دعاشالا خوش پیا وسے وچ گھر دے زہراؑ جانی
میں سنیائے شاہ توں وطن چھڑایا کہیں استبداد دے بانی
ڈس وطنیں ہے یا نال بھرا دے ٹری سفریں زہراؑ ثانی
ترائے منزلہ اُچی ماڑی تے تھیا قتل عقیل دا لعلے
تقدیر آکھیا ہائے سفریں رل گئی اتے پاک رسول دی آلے
جاں تیڈی لاش زمین تے آئی کھل گئے زہراؑ دے والے
ریہیا سر دروازہ کوفہ تے رُلی لاش بازار وچالے
۱۱ جولائی ۱۹۸۱ء _____ (امیر مسلم ؑ )
ساڈی موت شہادت زینت ہے اَتے خاص مشن اسلامِ
میں ہاشمی ہاں اَسانتے ربّ بھیجے خود آپ درود سلامِ
ایہا حسر ت ہم کوئی ونج ڈیوے میڈے شاہ کوں اے پیغامِ
اِتھ بھینڑیں کوں نہ گھن آنویں دو جگ دا پاک امامِ
میڈا ناں ہے مسلم اے مائی میڈے پیو دا نام عقیلے
میکوں لعل بتول دے بھیجا ہے کوفے دی طرف وکیلے
شبیرؑ دی بیعت تروڑ گئے کوفے دے لوگ رذیلے
پردیسی ہاں میڈا وطن مدینہ اِتھوں دورے سیکڑے میلے
Leave a Reply