مبطلاتِ نماز

 مبطلاتِ نماز

مسئلہ:  جو اسبابِ وضو کو
توڑ دیتے ہیں ان کے عارض ہونے سے نماز ٹوٹ جاتی ہے اور علاوہ ازیں مندرجہ ذیل
چیزیں مبطل نماز ہیں:۔

۱۔  کھانا           ۲۔  پینا اگرچہ قلیل مقدار میں ہی کیوں نہ ہو       ۳۔ 
عمداً کلام کرنا

۴۔  خوفِ خدا یا غم
آلِ محمدؐ کے علاوہ کسی دنیاوی کام کے لئے گریہ کرنا

۵۔  ہاتھ باندھنا
جبکہ ضرورتِ تقیہ نہ ہو            ۶۔ آمین کہنا سورہ فاتحہ کے بعد

۷۔  جان بوجھ کر کسی
واجب کو ترک کرنا حتّٰی کہ طمانیت اور موالات کا عمدی ترک بھی مبطل نماز ہے، البتہ
جلسۂ استراحت کا ترک مبطل نماز نہیں ہے۔  

۸۔  قبلہ سے منحرف
ہوجانا حتّٰی کہ دائیں یا بائیں ہوجائے پس معمولی انحراف سے نماز باطل نہیں ہوتی۔                 ۹۔
کوئی سا فعلِ کثیر کرنا           ۱۰۔ لباس یا بدن کا نجس ہونا

۱۱۔  جائے سجدہ کا
نجس ہو جانا کہ اس سے انتقال کی کوئی صورت نہ ہو

۱۲۔  جائے نماز کا
نجاستِ متعدیہ سے مثلوث ہوجا نا کہ اس سے بچنے کی کوئی صورت نہ ہو

۱۳۔  لباس یا فرش کے
غصبی ہونے کا علم ہوجانا               ۱۴۔ 
کپڑے پر سجدہ کرنا

۱۵۔  کھانےکی چیز پر
سجدہ کرنا             ۱۶۔  کسی رکن نماز کا
چھوٹ جانا

۱۷۔  شکیات کی وہ
صورتیں جو قابلِ علاج نہیں، ان میں سے کسی کا عارض ہونا۔

مسئلہ:   کاغذ پر سجدہ ہو سکتا ہے اور بہتر ہے کہ اس پر
تحریر نہ ہو۔

مسئلہ:  خاک شفا پر سجدہ
کرنا مقبولیتِ نماز کا موجب ہے اور منقول ہے کہ مقبولیت اعمال کی رکاوٹ کے سات
حجاب خاک شفا پر سجدہ کرنے سے دور ہوجاتے ہیں۔ خاکِ شفا کے فضائل تفسیر انوار
النجف جلد نمبر ۴، ص ۱۳ پر ملاحظہ ہوں۔

مسئلہ:  وہ سبزیاں جو
کھائی جاتی ہیں ان پر سجدہ نہیں ہوسکتا۔ باقی درختوں کے پتوں پر اور لکڑی پر سجدہ
جائز ہے اور جو سبزیاں بعض علاقوں میں کھائی جاتی ہیں ان پر بھی بالعموم سجدہ نہیں
ہسکتا مثلاً پان کے پتے۔

مسئلہ:  جن میوہ جات کے
اوپر کا چھلکا کھایا نہیں جاتا مثلاً اخروٹ یا بادام وغیرہ کا چھلکا اس پر سجدہ
جائز ہے۔

مسئلہ:  جن درختوں کا پھل
کھایا جاتا ہے ان کے پتوں یا لکڑی پر سجدہ کرنے میں کوئی حرج نہیں ہے۔

مسئلہ:  اون، پٹ سن، ریشم،
کپاس وغیرہ (جن سے کپڑا تیار ہوتا ہے) پر سجدہ نہیں ہوسکتا، لیکن کپاس کے پتوں اور
لکڑی پر سجدہ جائز ہے۔