سورة المائدة (5)

سُورۂ المآئدہ

اللہ کے نام سے جو رحمٰن و رحیم ہے(شروع کرتا ہوں)

اے ایمان والو! پُورے کرو عہد اپنے حلال کئے گئے تمہارے لیے چوپائے جانور مگر وہ جو تمہیں بتائے جائیں گے درحالیکہ نہ حلال جاننے والے ہو۔ شکار کو حالتِ احرام میں۔ تحقیق اللہ حکم کرتا ہے جو چاہتا ہے |[۱] اے ایمان والو! نہ حد شکنی شعائر اللہ کی اور نہ حرمت والے مہینے کی اور نہ قربانی کی اور نہ قلاوہ ڈالے ہوئے جانوروں کی اور نہ بیت الحرام کے قاصدین کی جو چاہتے ہوں فضل اپنے پروردگار سے اور خوشنودی اور جب احرام کھولو تو شکار کرو اور نہ آمادہ کرے تم کو دُشمنی ایک قوم کی جنہوں نے روکا تمہیں مسجد الحرام سے کہ تم بھی حد سے تجاوز کرو اور ایک دوسرے کی مدد کرو نیکی اور پرہیزگاری پر اور نہ ایک دوسرے کی مدد کرو کارِ بد اور سرکشی پر اور اللہ سے ڈرو تحقیق اللہ سخت سزا دینے والا ہے |[۲] تم پر حرام کیا گیا مُردہ اور خون اور سور کا گوشت اور وہ (جانور) کہ نام لیا گیا اللہ کے غیر کا اس پر اور جس کا گلہ گھونٹا اجئے اور جو کسی صدمہ سے مرجائے اور جو اوپر سے گِر کر مرجائے اور جسے دوسرا جانور سینگ یا ٹکر مارے اور مرجائے اور جسے درندے کھا جائیں ہاں مگر ان میں سے جس کا تزکیہ کرلو اور جو بتوں کے لئے ذبح کیا جائے اور یہ کہ جوئے کے تیروں سے تقسیم کرو۔ یہ فسق ہے۔ آج (بروز غدیر) مایوس ہوگئے وہ جو کافر ہیں تمہارے دینِ (اسلام کے مٹانے) سے پس ان سے نہ ڈرو اور مجھ سے ڈرو آج میں نے کامل کردیا تمہارے لیے تمہارا دین (ساتھ اعلان ولایتِ علی کے) اور تمام کردی تم پر اپنی نعمت اور راضی ہوا میں تمہارے لئے اسلام پر دین کے لحاظ سے (کہ یہ تمام دینوں سے افضل ہے) پس جو مضطر ہو حالتِ سختی و کرسنگی میں کہ نہ مائل ہو گناہ کے لئے تو تحقیق اللہ بخشنے والا مہربان ہے |[۳] آپ سے پوچھتے ہیں کہ کیا چیز حلال ہے ان کے لیے کہہ دیجئے حلال ہیں تمہیں پاکیزہ اور (شکار) سیکھے ہوئے شکاری کتوں کا جن کو تم نے سکھایا ہے اپنی خداداد لیاقت سے پس کھاؤ وہ جو پکڑیں تمہارے لئے اور لو نام اللہ کا اس پر (چھوڑتے وقت) اور اللہ سے ڈرو تحقیق اللہ جلد حساب لینے والا ہے |[۴] آج حلال کردی گئی تمہارے لئے ہر پاکیزہ چیز اور کھانا ان کا جنہیں کتاب دی گئی حلال ہے تم کو اور تمہارا کھانا حلال ہے ان کو اور پاک دامن ایمان والی عورتیں اور پاک دامن عورتیں ان میں سے جن کو کتاب دی گئی تم سے پہلے جب دو ان کو ان کے حق مہر پاک دامنی کی خاطر نہ زنا کے لئے اور نہ پوشیدہ آشنا بنانے کے لیے اور جو کفر کرے ساتھ ایمان کے تو پس ضائع ہوگئے عمل اس کے اور وہ آخرت میں خسارہ پانے والوں سے ہوگا |[۵] اے ایمان والو! جب تیاری کرو نماز کی تو دھوؤ اپنے منہ اور ہاتھ کہنیوں تک اور مسح کرو اپنے بعض حصۂِ سر کا اور پُورے پاؤں کا ٹخنوں تک اور اگر تم بحالتِ جنب ہو تو غُسل کرو اور اگر تم بیمار ہو یا سفر میں ہو یا آئے کوئی تم سے پیشاب پاخانہ پھر کر یا جماع کرچکے ہو عورتوں سے پس نہ پاؤ پانی تو قصد کرو زمین پاکیزہ کا پس مسح کرو اپنے منہ اور ہاتھوں کا اس سے خُدا نہیں چاہتا کہ کرے تم پر کوئی تنگی لیکن وہ تو چاہتا ہے کہ تمہیں پاک کرے اور تمام کرے اپنی نعمت کو تُم پر تاکہ تم شکر گزار بنو |[۶] اور یاد کرو اللہ کی نعمت جو تم پر ہے اور اس کا وہ عہد جو تم سے پکا باندھا اس نے جب تم نے کہا کہ ہم نے سنا اور مانا اور ڈرو خدا سے تحقیق اللہ دلوں کی باتوں کو جاننے والا ہے |[۷] اے ایمان والو! ہو جاؤ اُٹھنے والے اللہ کے لئے حق و انصاف کے گواہ اور نہ آمادہ کرے تمہیں ایک قوم کی دُشمنی اس بات پر کہ عدل کو چھوڑ دو (ہاں) عدل کرو یہ تقویٰ کے زیادہ نزدیک ہے اور ڈرو اللہ سے۔ تحقیق اللہ آگاہ ہے جو کچھ تم کرتے ہو |[۸] وعدہ کیا اللہ نے ان سے جو ایمان لائے اورکام نیک کئے کہ ان کے لئے بخشش اور اجرِ عظیم ہے |[۹] اور جنہوں نے کفر کیا اور جھٹلایا ہماری آیات کو تو وہ اصحابِ دوزخ ہیں |[۱۰] اے ایمان والو! یاد کرو اللہ کی نعمت اپنے اوپر جب ارادہ کیا ایک قوم نے کہ پھیلائیں تمہاری طرف اپنے ہاتھ تو اس نے روک دیئے ان کے ہاتھ تم سے اور اللہ سے ڈرو اور اللہ پر ایمان والوں کو توکل کرنی چاہیے |[۱۱] اور تحقیق لیا اللہ نے عہد بنی اسرائیل کا اور بھیجے ہم نے ان سے بارہ نقیب اور فرمایا اللہ نے کہ میں تمہارے ساتھ ہوں اگر تم نے نماز کو قائم کیا اور ادا کی زکوٰۃ اور ایمان لائے ساتھ میرے پیغمبروں کے اور ان کی تم نے مدد کی اور تم نے اللہ کو قرض دیا قرضۂ حسنہ تو ضرور دور کروں گا تم سے تمہاری برائیاں اور ضرور تمہیں داخل کروں گا ایسے باغات میں کہ بہتی ہیں ان کے نیچے نہریں پھر جو کفر کرے گا اس کے بعد تم میں سے تو وہ گمراہ ہوگا سیدھے راستے سے |[۱۲] پس بوجہ ان کی عہد شکنی کے ہم نے ان کو لعنت کی اور کردیا ان کے دلوں کو سخت بدلتے ہیں کلامِ خدا کو اپنے ٹھکانے سے اور بھول گئے ایک حصہ اس کا جو نصیحت کئے گئے تھے اور ہمیشہ تو خبردار ہوتا ہے ان کی ایک نہ ایک خیانت سے کم ہیں ان سے (جو خائن نہ ہوں) پس ان کو معاف کر اور درگزر کر تحقیق اللہ احسان کرنے والوں کو دوست رکھتا ہے |[۱۳] اور ان لوگوں سے جنہوں نے اپنے آپ کو نصاریٰ کہا ہم نے عہد لیا پس بھُول گئے ایک حصہ اس کا جو نصیحت کئے گئے پس بھڑکایا ہم نے ان میں دشمنی اور کینہ کو قیامت تک کے لئے اور عنقریب ان کو خبر دے گا اللہ اس کی جو وہ کرتے ہیں |[۱۴] اے اہلِ کتاب تحقیق آیا تمہارے پاس ہمارا رسولؐ کہ بیان کرتا ہے تمہارے لیے بہت اس سے جس کو تم چھپاتے ہو کتاب میں سے اور درگزر کرتا ہے بہت سی چیزوں سے تحقیق آچکا تمہارے پاس اللہ سے نور اور کتابِ مبین |[۱۵] ہدایت کرتا ہے اس کے ذریعے اللہ اس کو جا تابع ہو اس کی رضا کا سلامتی کے رستوں کی اور نکالتا ہے ان کو تاریکیوں سے روشنی کی طرف اس کے اذن سے اور ہدایت کرتا ہے اس کو سیدھے راہ کی |[۱۶] تحقیق کافر ہوئے وہ جنہوں نے کہا تحقیق اللہ وہی عیسیٰ بن مریم ہے کہہ دیجئے کہ کس کا بس چلتا ہے اللہ کے آگے اگر وہ چاہے کہ مار دے عیسیٰ بن مریم کو اور اس کی ماں کو اور جو بھی زمین میں ہیں سب کو اور اللہ کا ہے ملک آسمانوں اور زمین کا اور جو ان کے درمیان ہے پیدا کرتا ہے جو چاہتا ہے اور اللہ ہر شے پر قدرت رکھنے والا ہے |[۱۷] اور کہا یہود و نصاریٰ نے کہ ہم اللہ کے بیٹے اور اس کے پیارے ہیں کہہ دیجئے پھر کیوں تم کو عذاب کرتا ہے گناہوں کے بدلے بلکہ تم بھی انسان ہو اس کی مخلوق میں سے وہ بخشتا ہے جسے چاہتا ہے اور عذاب کرتا ہے جسے چاہتا ہے اور اللہ کا ہے ملک آسمانوں اور زمینوں کا اور جو ان کے درمیان میں ہے اور اسی کی طرف باز گشت ہے |[۱۸] اے اہلِ کتاب تحقیق آیا تمہارے پاس تمہارا پیغمبر بیان کرتا ہے تمہارے لئے ایک وقفہ کے بعد پیغمبروں سے مبادا یہ کہو کہ نہیں آیا ہمارے پاس کوئی بشارت دینے والا اور نہ کوئی ڈرانے والا بس آچکا بشیر بھی اور نذیر بھی اور اللہ ہر شے پر قدرت رکھنے والا ہے |[۱۹] اور جب کہا موسیٰ نے اپنی قوم کو اے قوم یاد کرو اللہ کی نعمت اپنے اوپر کہ بنائے اس نے تم میں نبی اور کیا تم کو بادشاہ اور دی تمہیں وہ جو نہ دی کسی کو عالمین میں |[۲۰] اے قوم داخل ہو زمین پاکیزہ میں وہ جو لکھی ہے اللہ نے تمہارے لیے اور نہ مڑو پیچھے کی طرف ورنہ جا پڑو گے نقصان میں |[۲1] کہنے لگے اے موسیٰ تحقیق اس میں ایک سرکش قوم (موجود) ہے اور ہم ہرگز نہ داخل ہوں گے یہاں تک کہ وہ نکل جائیں اس سے پس اگر وہ نکل جائیں گے اس سے تو ہم داخل ہونے والے ہوں گے |[۲۲] کہا دو شخصوں نے ان سے جو ڈرتے تھے (اللہ سے) انعام تھا اللہ کا ان پر کہ داخل ہوجاؤ ان پر دروازہ سے جب تم داخل ہوگے تو پس غالب ہوگے اور اللہ پر بھروسہ کرو اگر تم ایمان رکھنے والے ہو |[۲۳] کہنے لگے اے مُوسیٰؑ ہم ہرگز نہ داخل ہوں گے کبھی جب تک وہ وہاں ہیں پس جا تُو اور تیرا رب پھر دونوں لڑو ہم تو یہاں بیٹھے ہیں |[۲۴] عرض کی اے رب میں نہیں مالک مگر اپنا اور اپنے بھائی کا فیصلہ کر ہمارے اور اس فاسق قوم کے درمیان |[۲۵] فرمایا پس یہ (زمین) حرام ہے ان پر چالیس سال کہ سرگرداں رہیں گے زمین میں پس نہ ارمان کر اوپر اس قوم کے جو فاسق ہے |[۲۶] اور پڑھو ان پر خبر دو آدمؑ کے بیٹوں کی سچی جب انہوں نے کوئی قربانی کی پس قبول ہوئی ایک کی اور نہ قبول ہوئی دوسرے کی تو اس نے کہا کہ میں ضرور تجھے قتل کروں گا (جس کی قبول ہوئی) اس نے جواب دیا کہ خدا صرف خلوص والوں سے قبول کرتا ہے |[۲۷] اگر تو نے لمبا کیا میری طرف اپنا ہاتھ میرے قتل کے لئے تو میں نہیں لمبا کروں گا ہاتھ اپنا تیری طرف تجھے قتل کرنے کے لیے میں تو ڈرتا ہوں اللہ سے جو رب ہے عالمین کا |[۲۸] میں چاہتا ہوں کہ تو پلٹے میرے (قتل کے) گناہ اور اپنے باقی گناہ کے ساتھ پس ہو تو دوزخ والوں میں اور یہ بدلہ ہے ظلم کرنے والوں کا |[۲۹] پس آسان کیا اس کے لئے اس کے نفس نے بھائی کا قتل پس اس کو قتل کیا تو ہوگیا خسارہ پانے والوں میں سے |[۳۰] پس بھیجا خدا نے ایک کوا کہ کریدتا تھا وہ زمین کو تاکہ دکھائے اس کو طریقہ دفن کرنے لاش اپنے بھائی کا کہنے لگا ہائے کیا میں عاجز ہوں کہ ہو جاؤں مثل اس کوے کے پس دفن کرلوں لاش اپنے بھائی کی پس ہوا پشیمانوں میں سے |[۳۱] اسی لئے ہم نے فرض کیا بنی اسرائیل پر کہ جو بھی قتل کرے کسی جان کو بغیر بدلے کسی جان کے یا (بغیر) فساد کرنے کے زمین میں تو گویا اس نے قتل کیا تمام لوگوں کو اور جس نے جِلایا اس کو گویا اس نے جِلا دیا سب لوگوں کو اور تحقیق آئے ان کے پاس ہمارے پیغمبر ساتھ دلیلوں کے پھر تحقیق بہت سے لوگ ان میں سے اس کے بعد زمین میں زیادتی کرتے ہیں |[۳۲] پس یہی سزا ہے ان کی جو لڑتے ہیں اللہ اور اس کے رسولؐ سے اور کوشش کرتے ہیں زمین میں فساد کی کہ ان کو قتل کیا جائے یا سُولی دی جائے یا ان کے کاٹے جائیں ہاتھ اور پاؤں جانب مخالف سے یا نکال دیئے جائیں ملک سے یہ ان کی رسوائی ہے دنیا میں اور ان کا آخرت میں عذاب بڑا ہوگا |[۳۳] مگر وہ لوگ جو توبہ کرلیں قبل اس کے کہ تم ان پر قدرت حاصل کرو تو جان لو کہ تحقیق اللہ بخشنے والا مہربان ہے |[۳۴] اے ایمان والو! ڈرو اللہ سے اور ڈھونڈو اس تک وسیلہ اور جہاد کرو اس کی راہ میں |[۳۵] تحقیق جن لوگوں نے کفر کیا اگر ان کے پاس ہو جو کچھ زمین میں ہے سب اور اتنا اور بھی تاکہ فدیہ دیں اس کو عذابِ یوم قیامت سے تو نہ لیا جائے گا اور ان کا عذاب دردناک ہوگا |[۳۶] چاہیں گے کہ نکل جائیں آگ سے حالانکہ نہ نکل سکیں گے اس سے اور ان کا عذاب دائمی ہوگا |[۳۷] جو چوری کرے مرد یا عورت پس کاٹ دو ہاتھ ان کے بدلے میں اس کے جو انہوں نے کیا سزا ہے خدا کی جانب سے اور اللہ غالب حکمت والا ہے |[۳۸] پس جو توبہ کرے بعد اپنے ظلم کے اور نیک ہوجائے تو اللہ توبہ قبول کرے گا اس کی۔ تحقیق اللہ بخشنے والا مہربان ہے |[۳۹] کیا تم جانتے نہیں کہ اللہ کا ملک ہے آسمان و زمین عذاب دے جسے چاہے اور بخشے جسے چاہے اور اللہ ہر شے پر قدرت والا ہے |[۴۰] اے رسول ؐ! نہ محزون ہوں آپ ان پر جو جلدی کرتے ہیں کفر میں ان لوگوں میں سے جو آمنا کہتے ہیں اپنے منہ سے حالانکہ نہیں مومن ہوتے دل ان کے اور ان لوگوں میں سے جو یہودی ہیں سنتے ہیں جھُوٹ کے لئے سُنتے ہیں اور لوگوں کے لیے جو آپ کے پاس نہیں آئے تبدیل کرتے ہیں کلام کو اپنے اپنے ٹھکانے سے کہتے ہیں اگر دیئے جاؤ یہ تو لے لو اور اگر یہ نہ دیئے جاؤ تو بچو اور جس کو چاہے خدا عذاب دینا تو آپ نہیں مالک اس کے لیے اللہ سے کچھ بھی یہ وہ لوگ ہیں کہ نہیں چاہتا خدا کہ ان کے دِلوں کو پاک کرے ان کے لیے دنیا میں ذلّت ہے اور ان کے لیے آخرت میں بڑا عذاب ہے |[۴۱] سُنتے ہیں جھُوٹ کے لیے کھاتے ہیں حرام اگر آپ کے پاس آئیں تو حکم کرو ان کے درمیان یا منہ پھیر لو ان سے اور اگر منہ پھیرو گے ان سے تو ہرگز نہیں نقصان دے سکتے آپ کو کچھ بھی اور اگر حکم کرو تو حکم کرو ان میں انصاف کا تحقیق اللہ دوست رکھتا ہے انصاف والوں کو |[۴۲] اور کس طرح آپ کو یہ لوگ حاکم مانیں گے حالانکہ ان کے پاس تورات اس میں اللہ کا حکم ہے پھر رو گردانی کرتے ہیں اس کے بعد اور یہ لوگ ایمان دار نہیں ہیں |[۴۳] ہم نے اتارا تو تورات کو اس میں ہدایت اور نور تھا اس سے حکم کرتے تھے نبی جو تابع حکم تھے ان پر جو یہودی تھے اور خدا پرست علماء ساتھ اس کے کہ امن و محافظ کیا گیا ان کو کتاب خدا کا اور تھے وہ اس پر گواہ پس نہ ڈرو لوگوں سے اور ڈرو مجھ سے اور نہ خریدو میری آیات کے بدلے ثمن قلیل اور جو نہ حکم کرے ساتھ اس کے جو اللہ نے اتارا تو وہ ہیں کافر |[۴۴] اور ہم نے فرض کیا ان پر اس میں تحقیق جان بدلے جان کے آنکھ بدلے آنکھ کے اور ناک بدلے ناک کے اور کان بدلے کان کے دانت بدلے دانت کے اور زخموں میں (بدلہ) برابر پس جس نے بخش دیا تو وہ کفّارہ ہوا اس کا اور جو نہ حکم کرے ساتھ اس کے جو اتارا اللہ نے پس وہ ہیں ظالم |[۴۵] اور بھیجا ہم نے ان کے پیچھے عیسیٰ بن مریم کو جو تصدیق کرنے والا تھا اس کی جو ان کے پاس ہے یعنی تورات اور ہم نے دی اس کو انجیل اس میں ہدایت اور نور ہے اور تصدیق کرنے والی ہے اس کی جو اس سے پہلے ہے یعنی تورات اور ہدایت و موعظہ متقیوں کے لئے |[۴۶] اور حکم کرنا چاہیے صاحبانِ انجیل کو جو اتارا ہے اللہ نے اس میں اور جو نہ حکم کرے ساتھ اس کے جو اتارا اللہ نے تو پس ہیں وہ فاسق |[۴۷] اور ہم نے اتاری تم پر کتاب سچی جو تصدیق کرنے والی ہے اپنے سے پہلی کتابوں کی اور امین ہے ان پر پس حکم کرو ان کے درمیان جو اتارا اللہ نے اور پیچھے نہ لگو ان کی خواہشوں کے چھوڑ کر اس کو جو آیا تیرے پاس حق ہر ایک کے لئے تم میں سے ہم نے بنائی شریعت اور راستہ اور اگر چاہتا اللہ تو کرتا تم کو ایک امت لیکن تم کو آزماتا ہے اس میں جو تمہیں اس نے دیا پس بڑھو نیکیوں کی طرف اللہ کی طرف ہے تمہاری بازگشت سب کی پس وہ خبر دے گا تمہیں ساتھ اس کے جس میں تم کو اختلاف ہے |[۴۸] اور یہ کہ حکم کرو ان کے درمیان جو اتارا اللہ نے اور نہ پیچھے لگو ان کی خواہشوں کے اور بچو ان سے کہ (مبادا) بہکا دیں تمہیں بعض اُن چیزوں سے جو اُتاریں اللہ نے آپ پر پس اگر منہ پھیریں تو سمجھ لو کہ یہی چاہا ہے اللہ نے کہ سزا دے ان کو اپنے بعض گناہوں کی اور تحقیق بہت سے لوگ فاسق ہیں |[۴۹] کیا وہ جاہلت کا فیصلہ چاہتے ہیں اور کون ہے زیادہ بہتر اللہ سے فیصلہ کرنے میں واسطے اس قوم کے جو یقین رکھتی ہو |[۵۰] اے ایمان والو! نہ بناؤ یہودیوں اور نصرانیوں کو دوست وہ آپس میں ایک دوسرے کے دوست ہیں اور جو دوست بنائے گا ان کو تم میں سے پس وہ انہی سے ہوگا تحقیق اللہ نہیں ہدایت کرتا ظلم کرنے والوں کو |[۵۱] پس دیکھو گے ان کو جن کے دل میں بیماری ہے جلدی گھستے ہیں ان میں کہتے ہیں ہمیں در ہے کہ آجائے ہمیں انقلاب تو شاید اللہ بھیج دے فتح یا فیصلہ اپنا پس ہوں گے اس بات پر جو چھپائی ہے دلوں میں پشیمان |[۵۲] اور کہتے ہیں وہ جو ایمان لائے ہیں کیا یہ وہی ہیں جو قسمیں کھاتے ہیں اللہ کی پکی قسمیں کہ ہم تمہارے ساتھ ہیں ضائع ہوئے ان کے اعمال پس وہ ہوگئے خسارہ پانے والے |[۵۳] اے ایمان والو! جو مرتد ہوجائے تم میں اپنے دین سے پس عنقریب لائے گا اللہ ایسی قوم کو کہ ان کو محبوب رکھے گا اور وہ اس کو محبوب رکھیں گے نرم ہوں گے مومنوں پر سخت ہوں گے کافروں پر جہاد کریں گے راہِ خدا میں اور نہ خوف کریں گے ملامت کرنے والوں کی ملامت کا یہ فضل ہے اللہ کا دے جسے چاہے اور اللہ وسعت و علم والا ہے |[۵۴] صرف تمہارا ولی اللہ ہے اور اس کا رسول اور وہ ایمان لانے والے جو قائم کرتے ہیں نماز کو اور ادا کرتے ہیں زکوٰۃ درحالیکہ وہ رکوع میں ہوتے ہیں |[۵۵] جو دوستی رکھے اللہ اور اس کے رسولؐ سے اور ایمان والوں سے تو اللہ کا گروہ ہی غالب ہونے والا ہے |[۵۶] اے ایمان والو! نہ بناؤ ان کو جو بناتے ہیں تمہارے دین کو مسخری اور کھیل یعنی وہ جو دیئے گئے کتاب تم سے پہلے اور کافر لوگ (نہ بناؤ ان کو) دوست اور اللہ سے ڈرو اگر تم ہو ایمان دار |[۵۷] اور جب بلاؤ تم نماز کے لیے تو بناتے ہیں اس کو مسخری اور کھیل یہ اس لیے کہ وہ لوگ نہیں سمجھتے |[۵۸] کہہ دیجئے اے اہلِ کتاب نہیں تم نکتہ چینی کرتے ہو ہم سے مگر اس لئے کہ ہم ایمان لائے اللہ کے ساتھ اور اس کے ساتھ جو ہم پر اتری اور جو اتری پہلے اور تحقیق اکثر تمہارے فاسق ہیں |[۵۹] کہہ دیجئے کیا میں تم کو بتاؤں بُرا اس (نکتہ چینی سے) اللہ کے نزدیک جزا کے اعتبار سے وہ ہے جس پر لعنت ہو اللہ کی اور اس کا غضب ہو اس پر اور بنائے ہوں ان سے بندر اور سور اور عبادت کی ہو شیطان کی وہ بُرا ہے ٹھکانے میں اور گمراہ ہے سیدھے راستے سے |[۶۰] اور جب آئیں تمہارے پاس تو کہتے ہیں کہ ہم ایمان لائے حالانکہ آئے بھی کفر کے ساتھ اور وہ گئے بھی اس کے ساتھ اور اللہ جانتا ہے اس کو جو وہ چھپاتے ہیں |[۶۱] اور دیکھو گے بہت سوں کو ان سے کہ جلدی کرتے ہیں گناہ و سرکشی میں اور حرام کھانے میں البتہ بُرا ہے وہ جو عمل کرتے ہیں |[۶۲] کیوں نہیں روکتے ان کو خدا پرست اور علماء لوگ ناجائز کہنے اور حرام کھانے سے البتہ وہ بُرا پیشہ کرتے ہیں |[۶۳] اور کہا یہودیوں نے کہ ہاتھ اللہ کے بند ہیں بندھے جائیں ہاتھ ان کے اور ان پر لعنت کی گئی بوجہ اس کے جو کہا انہوں نے بلکہ اس کے ہاتھ کھلے ہیں وہ خرچ کرتا ہے جیسے چاہتا ہے اور زیادہ کرے گی ان کے بہت سوں کو وہ چیز جو تجھ پر اتری ہے تیرے پروردگار سے سرکشی اور کفر میں اور ڈال دی ہم نے ان میں دشمنی اور کینہ قیامت تک جب بھی وہ روشن کرتے ہیں آگ (آپ کے ساتھ) لڑنے کے لیے تو خدا اس کو بُجھا دیتا ہے اور کوشش کرتے ہیں زمین میں فساد کی اور اللہ نہیں دوست رکھتا فسادیوں کو |[۶۴] اور اگر تحقیق اہلِ کتاب ایمان لاتے اور بچتے تو معاف کرتے ہم ان کی برائیوں کو اور داخل کرتے ان کو باغاتِ نعمت میں |[۶۵] اور اگر وہ قائم کرتے تورات و انجیل کو اور جو کچھ اُترا ہے ان پر اپنے پروردگار سے تو کھاتے اوپر سے اور پاؤں کے نیچے سے ان میں سے ایک گروہ ہے منصف مزاج اور بہت ان کے بدعمل ہیں |[۶۶] اے رسول پہنچا وہ جو نازل ہوئی تجھ پر تیرے پروردگار سے اور اگر یہ نہ کیا تو تُو نے کچھ نہ پہنچایا اور اللہ بچائے گا تجھے لوگوں (کے شر) سے تحقیق اللہ نہیں ہدایات کرتا کافر لوگوں کو |[۶۷] کہہ دو اے اہلِ کتاب تم نہیں کسی دین پر یہاں تک کہ قائم کرو تورات اور انجیل کو اور جو اتاری گئی تم پر تمہارے رب سے اور زیادہ کرے گی بہت سوں کو ان میں سے وہ چیز جو اُتاری گئی تجھ پر تیرے رب سے سرکشی اور کفر میں پس نہ ارمان کرو کافر لوگوں پر |[۶۸] تحقیق جو لوگ ایمان لائے اور یہودیوں اور صابیوں اور نصرانیوں (میں سے) جو ایمان لائے اللہ پر اور یومِ آخر پر اور کام نیک کرے تو کوئی خوف نہیں ان کو اور نہ ان کو کوئی غم ہوگا |[۶۹] ہم نے لیا عہد بنی اسرائیل کا اور بھیجا ہم نے ان کی طرف رسولوں کو جب بھی لائے ان کے پاس رسول وہ جو نہ چاہا ان کے نفسوں نے تو بعض کو جھٹلایا اور بعض کو قتل کردیا |[۷۰] اور وہ سمجھے کہ اس کی گرفت نہ ہوگی پس اندھے بہرے ہوگئے پھر معاف کردیا اللہ نے ان کو پھر اندھے بہرے ہوگئے بہت ان میں سے اور خدا جانتا ہے جو وہ عمل کرتے ہیں |[۷۱] تحقیق کفر کیا جنہوں نے کہا کہ اللہ خود مسیح ابن مریم ہے اور فرمایا مسیح نے اے اولادِ یعقوب عبادت کرو اللہ کی جو میرا اور ہمارا رب ہے تحقیق جو بھی شرک کرے ساتھ اللہ کے تو حرام کی ہے اللہ نے اس پر جنت اور اس کا ٹھکانہ دوزخ ہے اور نہ ہوگا ظالموں کا کوئی مددگار |[۷۲] تحقیق کفر کیا جنہوں نے کہا کہ اللہ تین میں سے ایک ہے حالانکہ نہیں کوئی معبود مگر صرف ایک اور اگر وہ باز آئیں اس سے جو کہتے ہیں تو ضرور مس کرے گا ان کو جو کافر ہیں ان میں سے عذاب درد ناک |[۷۳] کیا وہ نہیں توبہ کرتے اللہ کی طرف اور بخشش چاہتے؟ اور اللہ تو غفورٌ رحیم ہے |[۷۴] نہیں مسیح بن مریم مگر پیغمبر تحقیق گزرے اس سے پہلے پیغمبر اور اس کی ماں صدیقہ تھی دونوں کھاتے تھے کھانا دیکھو کیسے ہم بیان کرتے ہیں دلیلیں پھر دیکھو وہ کیوں اُلٹے جاتے ہیں |[۷۵] کہہ دو کیا عبادت کرتے ہو اللہ کے سِوا اس کی جو نہیں مالک تمہارے لئے ضرر و نفع کا؟ اور اللہ ہی سننے جاننے والا ہے |[۷۶] کہہ دو اے اہلِ کتاب نہ غلو کرو اپنے دین میں ناحق اور نہ پیچھے لگو ایسے لوگوں کی خواہشات کے جو خود پہلے گمراہ ہیں اور انہوں نے گمراہ کیا بہت سوں کو اور بھٹک گئے سیدھے راستہ سے |[۷۷] لعنت کئے گئے جو کافر ہوئے بنی اسرائیل میں سے داؤد کی زبانی اور عیسیٰ بن مریم (کی زبانی) یہ اس لیے کہ نافرمان تھے اور تھے سرکشی کرتے |[۷۸] نہ روکتے تھے ایک دوسرے کو کسی برائی سے جو کرتے تھے البتہ بُرا کرتے تھے |[۷۹] تُو دیکھے گا بہتوں کو ان میں سے دوست رکھتے ہیں ان کو جو کافر ہیں البتہ بُرا ہے جو بھیجا ان کے لیے ان کے نفسوں نے کہ ناراض ہوا اللہ ان پر اور عذاب میں وہ ہمیشہ رہنے والے ہوں گے |[۸۰] اور اگر وہ رکھتے ایمان اللہ اور نبی پر اور اس پر جو اتری اس پر تو نہ بناتے ان کو دوست لیکن بہت سے ان میں سے فاسق ہیں |[۸۱] البتہ پاؤ گے لوگوں میں سے سخت ترین دشمنی کے لحاظ سے ان کے حق میں جو ایمان لائے یہودی اور جو مشرک ہیں اور البتہ پاؤ گے زیادہ قریب دوستی کے لحاظ ان کے حق میں جو مومن ہیں وہ لوگ جو اپنے آپ کو نصرانی کہلاتے ہیں یہ اس لئے کہ ان میں سے عالم اور خدا پرست لوگ ہیں اور تحقیق وہ بڑائی نہیں کرتے |[۸۲] اور جب سُنیں وہ جو نازل ہوا رسول پر تو دیکھے گا کہ ان کی آنکھیں بہتی ہیں آنسوؤں سے بوجھ اس کے کہ جانا حق کو کہتے ہیں اے رب ہمارا ہم ایمان لائے پس لکھ ہمیں شہادے دینے والوں کے ساتھ |[۸۳] اور یہ کیسے ہو کہ ہم ایمان نہ لائیں اللہ پر اور اس پر جو ہمارے پاس حق اور ہم پُر امید ہیں کہ داخل کرے ہم کو ہمارا رب نیک لوگوں میں |[۸۴] پس بدلہ دیا ان کو اللہ نے بوجہ اس کے جو کہا باغات کہ بہتی ہیں ان کے نیچے نہریں ہمیشہ ہوں گے ان میں اور یہ بدلہ ہے احسان کرنے والوں کا |[۸۵] اور جو لوگ کافر ہوئے اور جھٹلایا ہماری آیات کو تو وہ دوزخی ہیں |[۸۶] اے ایمان والو! نہ حرام جانو پاکیزہ چیزیں جو حلال کیں اللہ نے تم پر اور نہ حد سے بڑھو تحقیق اللہ دوست نہیں رکھتا حد سے بڑھنے والوں کو |[۸۷] اور کھاؤ اس سے جو رزق دیا تم کو اللہ نے حلال طیّب اور ڈرو اللہ سے جس پر تم ایمان رکھتے ہو |[۸۸] نہیں پکڑتا تم کو اللہ تمہاری لغو قسموں میں، لیکن پکڑے گا تم کو ساتھ اس کے جو پکی قسم کھاؤ تو اس کا کفارہ (بصورتِ مخالفت) دس مسکینوں کا کھانا درمیانہ وہ جو کھلاتے ہو اپنے گھر والوں کو یا کپڑا ان کا یا آزاد کرنا غلام کا پس جو نہ پائے (اتنی طاقت) تو روزہ تین دن کا رکھنا یہ کفّارہ ہے تمہاری قسموں کا جب تم قسم اٹھاؤ (اور پھر توڑ دو) اور پورا کرو اپنی قسموں کو اسی طرح بیان کرتا ہے اللہ تم پر اپنی آیات کو تاکہ تم شکر گزار بنو |[۸۹] اے ایمان والو! سوائے اس کے نہیں کہ شراب و جُوا اور بُتوں کے نام پر ذبح شدہ اور جوئے کے تیروں سے تقسیم بری چیزیں ہیں شیطانی کام سے پس ان سے بچو تاکہ تم نجات پاؤ |[۹۰] سوائے اس کے نہیں کہ چاہتا ہے شیطان کہ ڈالے تم میں دُشمنی اور کینہ شراب اور جوئے کے معاملہ میں اور پھیر دے تم کو ذکر خدا سے اور نماز سے تو کیا تُم رُک جاؤ گے |[۹۱] اور اطاعت کرو اللہ کی اور اطاعت کرو رسول کی اور ڈرو پس اگر تم پھر گئے تو جانو کہ صرف ہمارے پیغمبر پر تو صاف صاف پہنچا دینا ہے |[۹۲] نہیں اوپر ان کے جو ایمان لائے اور نیک عمل کئے کوئی گناہ اس چیز کا جو کھا چکے جبکہ اس سے ڈریں اور ایمان لائیں (آئندہ) اور عمل نیک کریں اور پھر ڈریں اور ایمان لائیں پھر ڈریں اور نیکیاں کریں اور اللہ دوست رکھتا ہے نیکی کرنے والوں کو |[۹۳] اے ایمان والو! ضرور آزمائے گا تم کو اللہ ساتھ کچھ شکار کے جسے لگتے ہیں تمہارے ہاتھ اور نیزے تاکہ پتہ کرے کہ کون ڈرتا ہے اس سے غائبانہ پس جو سرکشی کرے گا بعد اس کے تو اس کے لئے عذاب درد ناک ہوگا |[۹۴] اے ایمان والو نہ مارو شکار اور حالتِ احرام اور جو مارے گا اُسے تم میں سے جان کر تو بدلہ اس کا مثل اس کے جو جانور قتل کیا فیصلہ کریں اس کا دو عادل تم میں سے قربانی ہے کعبہ میں پہنچنے والی یا کفّارہ کھانا مسکینوں کا یا بدلہ اس کے روزے رکھنا تاکہ چکھے وبال اپنے کئے کا معاف کیا اللہ نے جو گزر چکا اور جو پھر کرے گا توبدلہ لے گا اس سے اللہ (قیامت کو) اور اللہ غالب بدلہ لینے والا ہے |[۹۵] حلال ہے تم کو شکار بحری اور اس کا کھانا واسطے فائدہ تمہارے اور مسافروں کے اور حرام ہے تم پر شکار خشکی کا جب تک ہو تم حالتِ احرام میں اور ڈرو اللہ سے جس کی طرف محشور ہوگے |[۹۶] بنایا خدا نے کعبہ کو حرمت والا گھر واسطے روزی لوگوں کے اور حرمت والا مہینہ اور قربانی اور قلاوہ ڈالا ہوا جانور یہ تاکہ تم جانو تحقیق اللہ جانتا ہے وہ جو آسمانوں اور زمین میں ہے اور تحقیق اللہ ہر شے کو جاننے والا ہے |[۹۷] جانو تحقیق اللہ سخت گرفت والا ہے اور تحقیق اللہ غفورٌ رحیم ہے |[۹۸] نہیں ہے رسول پر مگر پہنچا دینا اور اللہ جانتا ہے جو تم ظاہر کرتے ہو اور جو چھُپاتے ہو |[۹۹] کہہ دیجئے نہیں برابر پلید اور پاک اگرچہ تم کو بھلی لگتی ہے زیادتی خبیث کی پس ڈرو اللہ سے اے صاحبانِ عقل تاکہ تم نجات پاؤ |[۱۰۰] اے ایمان والو! نہ پُوچھو ایسی باتیں کہ اگر ظاہر ہوں تم پر تو تم کو بُری لگیں اور اگر پوچھو وہ جب اتر رہا ہو قرآن تو ظاہر کی جائیں گی تم پر اللہ نے معاف کیا ان کو اور اللہ بخشنے والا حلیم ہے |[۱۰۱] تحقیق پوچھ چکے یہ باتیں تم سے پہلے لوگ پھر ہوگئے ان کے ساتھ کفر کرنے والے |[۱۰۲] نہیں کیا اللہ نے بحیرہ اور نہ سائبہ اور نہ وصیلہ اور نہ حامی ولیکن جو لوگ کافر ہیں افترا کرتے ہیں اللہ پر جھُوٹے اور اکثر ان کے عقل نہیں رکھتے |[۱۰۳] اور جب ان کو کہا جائے کہ آؤ طرف اس کے جو اُتارا اللہ نے اور طرف رسولؐ کے تو کہتے ہیں ہمیں کافی ہے جس طریقہ پر پایا ہم نے اپنے دادا کو کیا اگر ان کے باپ نہ جانتے ہوں اور نہ ہدایت پر ہوں |[۱۰۴] اے ایمان والو! بچاؤ اپنے نفسوں کو نہ ضرر دے گا تم کو جو گمراہ ہو جبکہ تم ہدایت پر ہو اللہ کی طرف بازگشت ہے تم سب کی پس تم کو خبر دے گا جو تم عمل کرتے ہو |[۱۰۵] اے ایمان والو! گواہ تمہارے جب حاضر ہو تم میں سے کسی موت جب وصیت کرے دو ہوں عادل تم میں سے یا دو تمہارے (غیر مومن) اگر سفر کر رہے ہو زمین میں پس پہنچے تمہیں مصیبت موت کی روکو ان کو بعد نماز کے پس قسم کھائیں اللہ کی اگر تم کو (ان پر) شک ہو کہ نہیں خریدتے ہم بدلے اس (وصیت) کے رقم اگرچہ ہو رشتہ دار اور نہیں چھپاتے گواہی جو اللہ کی طرف سے ہم پر فرض ہے ورنہ ہم گنہگار ہوں گے |[۱۰۶] پس اگر پتہ لگ جائے کہ وہ دو (گواہ جھوٹ بول کر) مستحق گناہ ہوگئے تو دو اور کھڑے ہوں ان کی جگہ ان میں سے کہ واجب ہے جن پر (وصیت کو ماننا یعنی وارث) جو اولیٰ ہیں پس وہ قسم کھائیں اللہ کی ہماری شہادت زیادہ صحیح ہے ان کی شہادت سے اور ہم زیادتی نہیں کر رہے ورنہ ہم ظالم ہوں گے |[۱۰۷] یہ زیادہ قریب ہے کہ ادا کریں شہادت کو ٹھیک طریقہ سے یا ڈریں کہ پلٹے گی قسم ان کی قسم کے بعد (طرف وارثوں کے) اور اللہ سے ڈرو اور سُنو اور اللہ نہیں ہدایت کرتا فاسق لوگوں کو |[۱۰۸] جس دن جمع کرے گا اللہ رسولوں کو پس کہے گا کہ تم کو کیا جواب ملا تھا تو کہیں گے ہمیں کوئی علم نہیں تو ہی غیبوں کو جاننے والا ہے |[۱۰۹] جب کہا اللہ نے اے عیسیٰ بن مریم یاد کرو میری نعمت اپنے اوپر اور اپنی ماں پر کہ جب میں نے تجھے قوت دی روح القدس کے ساتھ کہ بولتا تھا لوگوں کے ساتھ جھولے میں اور بڑھاپے میں اور جب میں نے علم دیا تجھے کتاب اور حکمت اور تورات اور انجیل کا اور جبکہ تو بناتا تھا مٹی سے پرندے کی شکل جیسی میرے اذن سے پس دم کرتا تھا اس میں تو وہ پرندہ بنتا تھا میرے اذن سے اور تندرست کرتا تھا نابینا اور مبروص کو میرے اذن سے اور جبکہ تو زندہ کرتا تھا مردوں کو میرے اذن سے اور جبکہ روکا میں نے بنی اسرائیل کو تجھ سے جب تو لایا ان کے پاس واضح دلیلیں تو کہا ان لوگوں نے جو کافر تھے ان میں سے نہیں ہے یہ مگر ظاہر بظاہر جادو |[۱۱۰] اور جب میں نے وحی کی حوراریوں کو کہ ایمان لاؤ میرے پر اور میرے رسولؐ پر انہوں نے کہا ہم ایمان لائے اور گواہ رہ کہ ہم مسلمان ہیں |[۱۱۱] جب کہا حواریوں نے اے عیسیٰ بن مریم کیا کرسکتا ہے تیرا پروردگار کہ اُتارے ہم پر دستر خوان آسمان سے کہا ڈرو اللہ سے اگر تم مومن ہو |[۱۱۲] انہوں نے کہا ہم چاہتے ہیں کہ اس سے کھائیں اور مطمئن ہوں ہمارے دل اور جان لیں کہ تو نے ہمیں سچ کہا ہے اور ہو جائیں ہم اس پر گواہ |[۱۱۳] کہا عیسیٰ بن مریم نے اے اللہ ہمارا پروردگار! اتار ہم پر ایک دستر خوان آسمان سے کہ ہو ہمارے لئے عید پہلوں اور پچھلوں کے لئے اور نشانی تیری طرف سے اور ہم کو رزق دے اور تو ہی بہتر رزق دینے والا |[۱۱۴] فرمایا اللہ نے میں اس کو اُتارنے والا ہوں تم پر پھر اس کے بعد جس نے تم سے کفر کیا تو میں اس کو ایسی سزا دوں گا کہ اس جیسی سزا جہان میں سے کسی نہ دوں گا |[۱۱۵] اور جب کہے گا اللہ عیسیٰ بن مریم کو کیا تو نے کہا تھا لوگوں کو کہ مانو مُجھے اور میری ماں کو دو معبود سوائے اللہ کے تو جواب دے گا تو پاک ہے نازیبا ہے مجھے کہ میں کہوں ایسی بات جو میرے لئے ناحق ہو اگر میں نے کہا ہوتا تو تُو جانتا ہے تُو جانتا ہے جو باتیں میرے پاس ہیں اور میں نہیں جانتا جو تیرے پاس ہے صرف تو ہی غیبوں کے جاننے والا ہے |[۱۱۶] میں نے ان کو نہیں کہا مگر جو کچھ تو نے فرمایا کہ عبادت کرو اللہ کی جو میرا اور تمہارا رب ہے اور میں تھا ان پر گواہ جب تک ان میں تھا پس جب تو نے مجھے لے لیا تو تُو خود ہی ان پر نگہبان تھا اور تو اوپر ہر شے کے شہید ہے |[۱۱۷] اگر تو ان کو عذاب دے تو وہ تیرے بندے ہیں اور اگر ان کو معاف کرے تو تُو عزیز و حکیم ہے |[۱۱۸] کہے گا اللہ اس دن فائدہ دے گی سچوں کو اپنی سچائی ان کے لئے باغات ہیں کہ جاری ہیں ان کے نیچے نہریں ہمیشہ رہنے والے ہوں گے ان میں دائمی راضی ہوگا خدا ان سے اور وہ راضی ہوں گے اس سے یہ کامیابی بڑی ہے |[۱۱۹] اللہ کے لیے ہے ملک آسمانوں اور زمینوں کا اور جو کچھ ان میں سے اور وہ اوپر ہر شئے کے قدرت رکھنے والا ہے |[۱۲۰]