مسئلہ تقلید | masla taqleed
مسئلہ تقلید | masla taqleed
تفصیل مذکور سے یہ
حقیقت روز روشن کی طرح واضح ہوگئی کہ زبان غیبت امام میں جن علماء سے عوام
الناس کو ہدایت حاصل کرنے کی ضرورت ہے وہ ہر شیعہ عالم نہیں بلکہ ایسا عالم ہو جس
کی شکل یاد خداکو تازہ کرے اور جس کے کردار سے سیرت محؐمد وآل محمؐد
کی جھلک نظر آتی ہو لیکن ایسے
علماء جن کا ظاہر کچھ ہو اور باطن کچھ ہو
جوظاہر میں محؐمد وآل محمؐد کےفضائل
کو بیان کریں اور باطن کے لحاظ سے ان
ان کے روحانی فیوضات وبرکات اور عملی رجحانات سے بالکل بے بہرہ ہوں
جن کا مطمح نگاہ صرف مال ودولت کو
اکٹھاکرنا ہو جومقام تقاریر میں ہوں تو اس
قدر خلوص کا مظاہرہ کریںکہ عوام انہیں سچ مچ
نائب امام سمجھنے لگ جائیں لیکن جب
نجی ومعاشرتی وخانگی معاملات میں ان کو
دیکھاجائے تو بدترین کردار کا مظاہرہ کرنے والے ہوں جو ازراہ تکبر کسی دوسرے شریف
انسان کو انسان سمجھنا بھی بار ظاطر سمجھتے ہوں جن کا ظاہر اتفاق واتحاد ہو اور باطن اختلاف وانتشار ہو جو لوگوں کو بجائے مومن کے صرف کافر کہنااور مشرک کہنا ہی اپنا طرۃ
امتیاز سمجھیں جو روشاوامراء کی کاسہ
لیسی میں اپنے ارتقاء کا راز مضمر سمجھتے
ہوں
خلاصہ یہ کہ جن کے اعمال وافعال سابق روایت کے مطابق یہودی علماء کی طرز زندگی کی عکاسی کرتے ہوں ایسوں سے بے زاری اختیار کرنا ضروری ہے اور جن
علماء کی سیرت وصورت ظاہرو باطن اور خلوت وجلوت نیابت امام کا نمونہ پیش کرنے والی
ہو ان سے تمام شعبہ ہائے زنگی میں ہدایات
لینا ضروری اور ان ہی کی تقلید کرنا واجب ہے
تقلید کا مطلب صرف ضروری مسائل میں فتوی حاصل کرلینے تک
محدود نہیں بلکہ پورے شوؤن زندگی میں ان کی سیرت کو مشعل راہ بناکر حقیقی انسانیت کی منازل ارتقاء کو طے کرکے
اوج کمال تک پہنچنے کی کوشش کرنا ہے جس کی بناء پر انسان کو تاج کرامت کااہل قرار دیاگیا ہے اور افواج جہل جنکا پہلے
ذکرکیاجاچکاہے ان سے نبرد آزماہونے کےلئے
عقل کی تربیت ایسے حق پرست عالم دین کی زیر ہدایت ہوجوخود کسی حد تک اس
جہاد اکبر میں فاتحانہ حیثیت رکھتا ہو اسی
بناء پر معصوم نے فرمایا من کان من
الفقھاء الخبر
یعنی فقہاء میں سے جو شخص اپنے نفس کی نگہبانی کرنے
والا اپنے دین کا محافظ اپنی خواہش نفس کا
مخالف اور اپنے مولاکا اطاعت گزار ہو عوام
کےلئے ضروری ہے کہ اس کی تقلید کریں اور اس کے بعد فرمایاکہ اس قسم کے علماء شیعوں
میں بہت کم ہیں
اس میں شک کرنے کی گنجائش نہیں کہ عالم دین جومجتہد ہو اس
کی تقلید کے بغٰر اعمال کی اصلاح ومقبولیت مشکل ہے اس لئے مجتہد ین کے عملیہ جات میں یہ مسئلہ سرعنوان ہواکرتاہے کہ عام انسان کا عمل کسی مجتہد کی تقلید کے
بغیر باطل وعاطل ہے یہ ضروری نہیں کہ دنیا بھر
کے شیعہ صرف ایک ہی مجتہد کی تقلید کریں جو سب سے اعلم ہو جس کے چندوجوہ
ہیں
1
اگر صرف ایک مجتہد کی تقلید واجب ہوتو دوردارزکے مومنین کےلئے پیش
آمدہ مسائل میں کافی مشکلات کا سامناہوگا
2
صرف ایک مجتہد حالات حاضرہ کے ماتحت
اورپھیلی ہوئی ضرورت کے پیش نظر تمام عالمی لوگوں کے مسائل حل نہیں کرسکتا
3
شریعت چونکہ
سہلہ ہے لہذا خدا نہیں چاہتاکہ تمام انسانوں کی ضروریات کو صرف ایک انسان کے حوالہ کردے
4
قرآن مجید میں ہر قوم سے متعدد لوگوں کو فقی بن کر پلٹے اور قوموں کو ہدایت
کرنے کی تلقینہے
5
آئمہ معصومیؐن نے اپنے دور زندگی میں دور دراز کےلوگوں کےلئے
مقامی فقہاء کی طرف رجوعکرنے کا حکم
فرمایا
6
اگر ایک اعلم کی تقلید کو واجب قرار دیاجائے تو اعلم کی تشخیص کون کرے گا جبکہ
علماء پوری روئے زمین پر پھیلے ہوئے ہیں
7
اگر ایک جگہ بھی سب علمائ کے اکٹھے ہونے کی صورت نکل ائے تب بھی تشخیص اعلم غیر ممکن ہے بہرکیف ہر مومن
اپنی وسعت وسہولت کے پیش نظر ایسے عالم دین کی تقلید کرے جو اس سے قریب تر ہو ہاں
اگر قریب والے عالم میں وہ صفات میسر نہیں جو ہادی کےلئے ضروری
ہیں تو پھر دور والے کی طرف رجوع کرے جو ان صفات کا حامل ہو
عالم دین جس میں مندرجہ
ذیل شرائط پائی جائیں اس کی تقلید ضروری
ہے شرائط کی تفصیل یہہے
1 قرآن
وحدیث سے مسائل فقیہ کا استنباطکرنے کی اہلیت وملکہ رکھتاہوں
2 عاقل وبالغ ہو دیوانے
اور نابالغ کی تقلید نہیں ہوسکتی
3 حلال زادہ ہو یعنی
صحیح نکاح سے پیداہوا ہو
4 عقائد صحیحہ رکھتا ہو
تو حید وعدل ونبوت وامامت وقیامت کے متعلق
اس کے عقائد پر لغزش نہ ہو
5 عمل کے اعتبار سےعام
انسانوں سے امتیاز رکھتاہوں عادات بد سے
پرہیز کرتا ہو اور عادات خیر سے متصف ہو
6 ایسے مباح امور بھی نہ بجالاتا ہو جو مروت
وشرافت کےخلاف سمجھتے جاتے ہو
7مر د ہو کیونکہ عورت
کی تقلید جائز نہیں ہے
8
تقلید اس مجتہد کی کی جائے گی جو زندہ
ہو کیونکہ ابتداء میت کی تقلید جائز نہیں ہے
