رشوت

رشوت

فرائض سے کوتاہی کی بد ترین محرک رشوت ہوا کرتی ہے جس کو شریعت مقدسہ اسلامیہ
نے حرام اور سحت قرار دیا ہے پس رشوت لینا بھی حرام ہے کیونکہ فرائض ناشناسی اور
انسانی اقدار کی پامالی کے لئے یہ پیش خیمہ ہے اور رشوت دینا بھی حرام ہے کیونکہ
اس میں دوسروں کو زر و دنیا کی لالچ کے پھندے میں ڈال کر فرائض سے کوتاہی کا سبق
دینا ہوتا ہے اور حدیث میں الراشی و المرتشی کلا ھما فی النار یعنی رشوت لینے والا
اور رشوت دینے والا دونوں جہنم کا ایندھن ہیں اور حرص کی ہی کارسانی ہے کہ انسان
کو اپنی فطری کرامت سے غافل کر کے اس کو ذلیل ترین حیوانات کی صفات کا دلدادہ بنا
دیتا ہے اور اس افسوس ناک اور عبرتناک پہلو یہ دیکھئے کہ کوے کے حریص ہونے کی مذمت
کرنے والے خود اسی حرص میں کوے کو بھی مات کر دینے میں فخر محسوس کرتے ہیں۔