صفات مذمومہ کے اصول

صفات  مذمومہ کے اصول

بروایت بحار حضرت امام جعفر صادق علیہ السلام نے حضرت امیر المومنین علیہ
السلام سے نقل فرمایا کہ لوگوں سے جس قدر افعال مذمومہ سر زد ہوتے ہیں ان کی محرک
(اصول) چار صفات ہیں حسد، حرص ، غضب ، شہوت ، اقول اس میں شک نہیں کہ انسان عالم
شباب میں قدم رکھنے سے پہلے ان چاروں صفتوں میں حسب منشاء آزاد ہوتا ہے وہ جو چاہتا
ہے اپنے چاہنے والوں سے منوانے کی کوشش کرتا ہے اور چاہنے والے اس کی ہر خواہش کو
پورا کرنا اپنی محبت کا فریضہ سمجھتے ہیں وہ اپنے ہمشن بچوں کو حاسدانہ نگا سے
دیکھتا ہے کیونکہ وہ برداشت نہیں کر سکتا کہ کوئی اچھی چیز کسی دوسرے پاس ہو جب
عقل کی بدولت انسان مکلف ہوتا ہے تو یہ چاروں صفات بھی اپنے شباب پر ہوتی ہیں اور
نفس انسانی کو پوری طرح اپنے کنٹرول میں لئے ہوئے جسم انسانی پر حکمرانی کرتی ہیں۔